Shijian-31 ഉയർത്തുന്ന ബഹിരാകാശ സുരക്ഷാ ആശങ്കകൾ
ന്യൂഡൽഹി: ഭൂമിയിലെ അതിർത്തികൾക്കപ്പുറം ഇനി നിർണായകമായ തന്ത്രപ്രധാന മത്സരം നടക്കുന്നത് ബഹിരാകാശത്താണ്. ഇന്ത്യയുടെ ആശയവിനിമയം, നാവിഗേഷൻ, കാലാവസ്ഥാ നിരീക്ഷണം, പ്രതിരോധ സംവിധാനങ്ങൾ എന്നിവയിൽ ഉപഗ്രഹങ്ങൾ നിർണായക പങ്കുവഹിക്കുന്ന സാഹചര്യത്തിൽ, ചൈനയുടെ പുതിയ Shijian-31 ഉപഗ്രഹത്തിന്റെ അസാധാരണ ഭ്രമണപഥം ശ്രദ്ധേയമാകുന്നു.
2026 ജൂൺ 16-ന് ചൈന വിക്ഷേപിച്ച Shijian-31 നിലവിൽ സാധാരണ ജിയോസ്റ്റേഷനറി ഉപഗ്രഹങ്ങൾ സഞ്ചരിക്കുന്ന മേഖലയെ നിരീക്ഷിക്കാൻ അനുയോജ്യമായ പ്രത്യേകതകളുള്ള ഉയർന്ന എലിപ്റ്റിക്കൽ ഓർബിറ്റിലാണ് സഞ്ചരിക്കുന്നതെന്നാണ് തുറന്ന ബഹിരാകാശ നിരീക്ഷണ വിവരങ്ങളും വിദഗ്ധ വിശകലനങ്ങളും സൂചിപ്പിക്കുന്നത്.
Shijian എന്നത് ചൈനയുടെ പരീക്ഷണാത്മക ബഹിരാകാശ ദൗത്യ പരമ്പരയാണ്. Shijian-31-നെ 2026 ജൂൺ 16-ന് Long March 3B റോക്കറ്റ് ഉപയോഗിച്ചാണ് വിക്ഷേപിച്ചത്. ഷാങ്ഹായ് അക്കാദമി ഓഫ് സ്പേസ്ഫ്ലൈറ്റ് ടെക്നോളജിയാണ് ഉപഗ്രഹം നിർമ്മിച്ചതെന്ന് ചൈനീസ് ഔദ്യോഗിക വിവരങ്ങളെ അടിസ്ഥാനമാക്കിയുള്ള റിപ്പോർട്ടുകൾ പറയുന്നു. എന്നാൽ ഉപഗ്രഹത്തിന്റെ ഭ്രമണപഥമാണ് ബഹിരാകാശ നിരീക്ഷകരുടെ പ്രത്യേക ശ്രദ്ധ പിടിച്ചുപറ്റിയത്.
പൊതുവായി ജിയോസ്റ്റേഷനറി ഓർബിറ്റിലുള്ള ഉപഗ്രഹങ്ങൾ ഭൂമധ്യരേഖയ്ക്ക് മുകളിൽ ഏകദേശം 35,786 കിലോമീറ്റർ ഉയരത്തിലുള്ള ഒരു പ്രത്യേക വളയത്തിലാണ് സഞ്ചരിക്കുന്നത്.
Shijian-31 അതേസമയം വളരെ നീണ്ട എലിപ്റ്റിക്കൽ ഭ്രമണപഥത്തിലാണ്. ലഭ്യമായ ട്രാക്കിംഗ് ഡാറ്റയിൽ ഇതിന്റെ perigee ഏകദേശം 1,994 കിലോമീറ്ററും apogee ഏകദേശം 39,897 കിലോമീറ്ററും, inclination ഏകദേശം 63.5 ഡിഗ്രിയും eccentricity ഏകദേശം 0.69-ഉം ആണ്.
‘റി ഓർബിറ്റിൽ അല്ല. ഏകദേശം 63.4 ഡിഗ്രി inclination ഉള്ള ഈ ഭ്രമണപഥം മുൻ സോവിയറ്റ് യൂണിയൻ ഉപയോഗിച്ചിരുന്ന Molniya-type orbit-നെ ഓർമ്മിപ്പിക്കുന്നതാണ്. ഇത്തരം ഭ്രമണപഥങ്ങളുടെ പ്രധാന പ്രത്യേകത ഭൂമിയിലെ ചില മേഖലകളെ ദീർഘസമയം നിരീക്ഷിക്കാൻ കഴിയുന്ന തരത്തിലുള്ള ഉയർന്ന apogee ആണ്.
ഇന്ത്യയുടെ നിരവധി നിർണായക ഉപഗ്രഹങ്ങൾ ജിയോസ്റ്റേഷനറി/ജിയോസിൻക്രോണസ് മേഖലയുമായി ബന്ധപ്പെട്ടതാണ്. GSAT പരമ്പരയിലെ ആശയവിനിമയ ഉപഗ്രഹങ്ങൾ, INSAT സംവിധാനത്തിലെ വിവിധ ഉപഗ്രഹങ്ങൾ, ഇന്ത്യയുടെ NavIC നാവിഗേഷൻ സംവിധാനവുമായി ബന്ധപ്പെട്ട ഉപഗ്രഹങ്ങൾ എന്നിവ രാജ്യത്തിന്റെ ആശയവിനിമയ, കാലാവസ്ഥ, നാവിഗേഷൻ, തന്ത്രപ്രധാന ആവശ്യങ്ങൾക്ക് ഉപയോഗിക്കുന്നു.
