വൻലാഭം വാഗ്ദാനം ചെയ്ത് ഓൺലൈൻ ട്രേഡിങ് തട്ടിപ്പ്

Mallika Sudheer
2 Min Read

ഓൺലൈൻ നിക്ഷേപത്തിലൂടെ കുറഞ്ഞ സമയത്തിനുള്ളിൽ വലിയ ലാഭം നേടാമെന്ന വാഗ്ദാനത്തിൽ വിശ്വസിച്ച രണ്ടുപേർക്ക് ഒരുകോടിയോളം രൂപ നഷ്ടമായതായി റിപ്പോർട്ട്. സമൂഹമാധ്യമങ്ങളിൽ പ്രചരിക്കുന്ന നിക്ഷേപ വീഡിയോകളും ഉയർന്ന ലാഭം വാഗ്ദാനം ചെയ്യുന്ന പരസ്യങ്ങളുമാണ് തട്ടിപ്പിന് ഇരകളെ ആകർഷിക്കാൻ ഉപയോഗിക്കുന്നതെന്നാണ് റിപ്പോർട്ടിലുള്ള വിവരം. പണം നിക്ഷേപിച്ചാൽ വലിയ ലാഭം ലഭിക്കുമെന്ന വിശ്വാസത്തിൽ തട്ടിപ്പുകാർ നിർദേശിച്ച അക്കൗണ്ടുകളിലേക്ക് പണം കൈമാറിയതോടെയാണ് ഇരകൾക്ക് സാമ്പത്തിക നഷ്ടമുണ്ടായത്.

Ref.No:DPCI-PKD-50

ഓൺലൈൻ ട്രേഡിങ്, ഓഹരി വിപണി, വിദേശനാണ്യ വിനിമയം തുടങ്ങിയ മേഖലകളിൽ നിക്ഷേപിക്കാൻ താൽപര്യമുള്ളവരെ ലക്ഷ്യമിട്ടാണ് ഇത്തരം തട്ടിപ്പുകൾ നടക്കുന്നത്. നിക്ഷേപിച്ച തുകയുടെ പലമടങ്ങ് ലാഭം ലഭിക്കുമെന്ന് വിശ്വസിപ്പിച്ച് ആദ്യം ചെറിയ തുക നിക്ഷേപിക്കാൻ പ്രേരിപ്പിക്കുകയും പിന്നീട് വലിയ തുകകൾ കൈമാറാൻ സമ്മർദം ചെലുത്തുകയും ചെയ്യുന്നതാണ് ഇത്തരം തട്ടിപ്പുകളിൽ കണ്ടുവരുന്ന രീതി.

തട്ടിപ്പ് നടക്കുന്നത് എങ്ങനെ?

1. ആകർഷകമായ വീഡിയോകളും പരസ്യങ്ങളും: കുറഞ്ഞ നിക്ഷേപത്തിലൂടെ വലിയ ലാഭം നേടാമെന്ന് അവകാശപ്പെടുന്ന വീഡിയോകൾ YouTube, Facebook, Instagram തുടങ്ങിയ സമൂഹമാധ്യമങ്ങളിൽ പ്രചരിപ്പിക്കുന്നു. ചിലപ്പോൾ പ്രമുഖ വ്യക്തികളുടെയോ സാമ്പത്തിക വിദഗ്ധരുടെയോ ചിത്രങ്ങളും വീഡിയോകളും ദുരുപയോഗം ചെയ്യാറുണ്ട്.

2. വ്യാജ നിക്ഷേപ പ്ലാറ്റ്‌ഫോമുകൾ: പരസ്യങ്ങളിൽ നൽകിയിരിക്കുന്ന ലിങ്കുകൾ വഴി വ്യാജ ട്രേഡിങ് വെബ്‌സൈറ്റുകളിലേക്കോ മൊബൈൽ ആപ്ലിക്കേഷനുകളിലേക്കോ ഉപയോക്താക്കളെ എത്തിക്കുന്നു. യഥാർഥ ഓഹരി വിപണി പ്ലാറ്റ്‌ഫോമുകളെ അനുസ്മരിപ്പിക്കുന്ന രീതിയിലാണ് ഇവ രൂപകൽപ്പന ചെയ്യുന്നത്.

3. ആദ്യഘട്ടത്തിൽ ലാഭം കാണിക്കുന്നു: നിക്ഷേപിച്ച ചെറിയ തുകയ്ക്ക് വലിയ ലാഭം ലഭിച്ചതായി വ്യാജ അക്കൗണ്ടിൽ കാണിക്കുന്നു. ഇതോടെ നിക്ഷേപകർക്ക് പ്ലാറ്റ്‌ഫോമിനോടുള്ള വിശ്വാസം വർധിക്കുന്നു.

4. കൂടുതൽ പണം നിക്ഷേപിക്കാൻ പ്രേരിപ്പിക്കുന്നു: ആദ്യഘട്ടത്തിൽ ലഭിച്ചതായി കാണിക്കുന്ന ലാഭത്തിന്റെ പേരിൽ കൂടുതൽ പണം നിക്ഷേപിക്കാൻ ആവശ്യപ്പെടുന്നു. പ്രത്യേക നിക്ഷേപ അവസരങ്ങൾ, ഉയർന്ന വരുമാനം, പരിമിതകാല ഓഫറുകൾ തുടങ്ങിയ വാഗ്ദാനങ്ങളും നൽകാം.

5. പണം പിൻവലിക്കാൻ കഴിയാത്ത സാഹചര്യം: വലിയ തുക നിക്ഷേപിച്ചശേഷം പണം പിൻവലിക്കാൻ ശ്രമിക്കുമ്പോൾ നികുതി, പ്രോസസ്സിങ് ഫീസ്, അക്കൗണ്ട് വെരിഫിക്കേഷൻ ചാർജ് തുടങ്ങിയ പേരുകളിൽ വീണ്ടും പണം ആവശ്യപ്പെടുന്നു. ഒടുവിൽ ബന്ധപ്പെട്ടവരുടെ ആശയവിനിമയം നിലയ്ക്കുകയും വെബ്‌സൈറ്റോ ആപ്പോ അപ്രത്യക്ഷമാകുകയും ചെയ്യാം.

Share This Article
Leave a Comment

Leave a Reply

Your email address will not be published. Required fields are marked *

×