ന്യൂഡൽഹി: ഫുട്ബോളിനോടുള്ള ആവേശവും ലോക ഐക്യത്തിന്റെ സന്ദേശവും ഉയർത്തിപ്പിടിച്ച് ഡിജിറ്റൽ പ്രസ് ക്ലബ് ഓഫ് ഇന്ത്യ (DPCI) ഫിഫ ലോകകപ്പ് 2026-ന് ആദരമായി “ONE FIRE • ONE GAME” എന്ന ബഹുഭാഷാ ഫുട്ബോൾ ഗാനം (ആന്തം) പുറത്തിറക്കി.
ഹിന്ദി, മലയാളം, തമിഴ്, തെലുങ്ക്, കന്നഡ, ബംഗാളി, അസമീസ്, മറാത്തി, പഞ്ചാബി, ഗുജറാത്തി, ഒഡിയ, കൊങ്കണി, മണിപ്പൂരി, രാജസ്ഥാനി, ഹരിയാൻവി, ഇംഗ്ലീഷ് എന്നിവ ഉൾപ്പെടെ നിരവധി ഇന്ത്യൻ ഭാഷകളെ ഒന്നിപ്പിച്ചാണ് ഈ ഗാനമൊരുക്കിയിരിക്കുന്നത്.
ഫുട്ബോൾ ലോകത്തെ ഒന്നിപ്പിക്കുന്ന ശക്തിയാണെന്നും ഭാഷകളും അതിർത്തികളും മറികടന്ന് മനുഷ്യരെ ബന്ധിപ്പിക്കാമെന്നുമുള്ള സന്ദേശമാണ് ഗാനത്തിലൂടെ നൽകുന്നത്.
ഈ പദ്ധതിയുടെ ആശയവും സൃഷ്ടിപരമായ നേതൃത്വവും വഹിച്ചത് ഡോ. നിക്സൻ തോട്ടൻ, ഡിജിറ്റൽ പ്രസ് ക്ലബ് ഓഫ് ഇന്ത്യയുടെ സെക്രട്ടറി ജനറലാണ്.
“ഫുട്ബോൾ മനുഷ്യരെ ഒന്നിപ്പിക്കുന്ന ശക്തിയാണ്. ഇന്ത്യയുടെ ഭാഷാ വൈവിധ്യവും ലോകകപ്പിന്റെ ആവേശവും ഒരുമിച്ച് ലോകത്തിന് മുന്നിലെത്തിക്കുകയാണ് ഈ ഗാനത്തിന്റെ (ആന്തത്തിന്റെ) ലക്ഷ്യമെന്ന് ” ഡോ. നിക്സൻ തോട്ടൻ അഭിപ്രായപ്പെട്ടു.
ഈ ഗാനം (ആന്തം) DPCIയുടെ ഔദ്യോഗിക ഡിജിറ്റൽ പ്ലാറ്റ്ഫോമുകൾ വഴി പുറത്തിറക്കിയിട്ടുണ്ട്.
