സംഗീത ലോകം കണ്ണീരിൽ;

പാട്ടോർമ്മകളുടെ ആകാശത്തുനിന്നും വാനമ്പാടി പറന്നകന്നു; ഇതിഹാസ ഗായിക എസ്. ജാനകി അന്തരിച്ചു.

Sunil Varma
2 Min Read
Highlights
  • വിഖ്യാത ഗായിക എസ്. ജാനകി (88) മൈസൂരുവിലെ ആശുപത്രിയിൽ വെച്ച് അന്തരിച്ചു.
  • ആറ് പതിറ്റാണ്ടിലധികം നീണ്ട കരിയറിൽ 17-ലധികം ഭാഷകളിലായി 48,000-ത്തോളം ഗാനങ്ങൾ ആലപിച്ചു.
  • നാല് ദേശീയ പുരസ്കാരങ്ങളും വിവിധ സംസ്ഥാനങ്ങളുടെ നിരവധി അവാർഡുകളും സ്വന്തമാക്കിയിട്ടുണ്ട്.
  • ​(പ്രത്യേക കുറിപ്പ്): ജാനകിയമ്മയോടൊപ്പം മുൻപ് തബല വായിച്ചിട്ടുള്ള 'വർമ്മസ് വിഷൻ വേൾഡ്' എഡിറ്റർ വർമ്മജി ജാനകിയമ്മയുടെ വിയോഗത്തിൽ ആഴത്തിലുള്ള അനുശോചനം രേഖപ്പെടുത്തി.

സംഗീത ലോകം കണ്ണീരിൽ; തെന്നിന്ത്യയുടെ വാനമ്പാടി എസ്. ജാനകി ഇനി ഓർമ്മ; മൈസൂരുവിൽ അന്ത്യം

അന്താരാഷ്ട്ര സ്പോർട്സ്-സാംസ്കാരിക ഡെസ്ക്:

ആറ് പതിറ്റാണ്ടിലേറെക്കാലം തന്റെ അതുല്യമായ സ്വരമാധുരിയിലൂടെ ദക്ഷിണേന്ത്യൻ ചലച്ചിത്ര സംഗീതത്തെ ധന്യമാക്കിയ ഇതിഹാസ ഗായിക എസ്. ജാനകി (88) അന്തരിച്ചു. വയോസഹജമായ ആരോഗ്യപ്രശ്നങ്ങളെ തുടർന്ന് മൈസൂരുവിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. തെന്നിന്ത്യൻ സംഗീതത്തിലെ പകരക്കാരില്ലാത്ത ആ വാനമ്പാടിയുടെ വിയോഗവാർത്ത ലക്ഷക്കണക്കിന് സംഗീതാസ്വാദകരെ കടുത്ത ദുഃഖത്തിലാഴ്ത്തിയിരിക്കുകയാണ്.

ഇരുപതോളം ഭാഷകൾ, പതിനായിരക്കണക്കിന് അനശ്വര ഗാനങ്ങൾ

formal ആയ സംഗീതപഠനം ഇല്ലാതെ തന്നെ സംഗീതരംഗത്ത് അത്ഭുതങ്ങൾ സൃഷ്ടിച്ച പ്രതിഭയായിരുന്നു ജാനകിയമ്മ. 1957-ൽ തമിഴ് സിനിമയിലൂടെ തുടക്കം കുറിച്ച അവർ മലയാളം, തമിഴ്, തെലുങ്ക്, കന്നഡ, ഹിന്ദി ഉൾപ്പെടെ ഇരുപതോളം ഭാഷകളിലായി നാൽപ്പത്തിയെട്ടായിരത്തിലധികം ഗാനങ്ങൾ ആലപിച്ചിട്ടുണ്ട്. മികച്ച ഗായികയ്ക്കുള്ള ദേശീയ പുരസ്കാരം നാല് തവണയും, കേരള സംസ്ഥാന ചലച്ചിത്ര പുരസ്കാരം 11 തവണയും ജാനകിയമ്മയെ തേടിയെത്തി. എം.എസ്. ബാബുരാജ്, ഇളയരാജ, എം.എസ്. വിശ്വനാഥൻ തുടങ്ങിയ ഇതിഹാസ സംഗീതജ്ഞരുടെ ഈണങ്ങൾക്ക് ജീവൻ നൽകിയ അവരുടെ ഒരോ ഗാനവും തലമുറകൾ കൈമാറി ഇന്നും നിലനിൽക്കുന്നു. ജാനകിയമ്മയുടെ ഭൗതികശരീരം പിന്നീട് പൊതുദർശനത്തിന് വെക്കും.

​“ആ വിരൽത്തുമ്പുകൾക്കൊപ്പം തബല മീട്ടാൻ കഴിഞ്ഞത് ജന്മാന്തര പുണ്യം…”

ഗാനകോകിലം എസ്. ജാനകിയമ്മയുടെ വിയോഗവാർത്തയറിഞ്ഞപ്പോൾ നെഞ്ചിൽ ആദ്യം ഓടിയെത്തിയത് ആ പഴയകാലത്തെ ധന്യമായ ഒരു ഓർമ്മയാണ്. ഈ വിനീതന്റെ സംഗീത ജീവിതത്തിലെ ഏറ്റവും വലിയ ഭാഗ്യങ്ങളിലൊന്ന് ജാനകിയമ്മയുടെ മനോഹരമായ ഗാനങ്ങൾക്ക് തബലയിലൂടെ അകമ്പടി സേവിക്കാൻ കഴിഞ്ഞു എന്നതാണ്.

​സ്റ്റേജിൽ അവർ പാടുമ്പോൾ ഒപ്പമുള്ള കലാകാരന്മാർക്ക് നൽകുന്ന ആ വലിയ പിന്തുണയും സ്നേഹവും വാക്കുകൾക്ക് അതീതമാണ്. പാട്ടിന്റെ വരികളിലെ ഭാവത്തിനൊപ്പം തബലയുടെ ഓരോ നാദവും ലയിച്ചുചേർന്ന ആ നിമിഷങ്ങൾ എന്റെ ജീവിതത്തിലെ ഏറ്റവും അമൂല്യമായ നിധിയാണ്. സംഗീത ലോകത്തെ ആ വാനമ്പാടിക്ക് മുന്നിൽ പ്രണാമം അർപ്പിക്കുമ്പോൾ, ആ ദിവ്യമായ ശബ്ദത്തിനൊപ്പം എന്റെ തബലയും ഒന്നിച്ചുചേർന്ന ആ ഓർമ്മകൾ വരുംദിവസങ്ങളിൽ നിങ്ങളുടെ മുന്നിൽ ഞാൻ പങ്കുവെക്കുന്നതായിരിക്കും.

വർമ്മജി (Editor, VARMAS vision World)

 

 

 

 

TAGGED:
Share This Article
Leave a Comment

Leave a Reply

Your email address will not be published. Required fields are marked *

×