ന്യൂഡൽഹി: നിയമസഭാ തെരഞ്ഞെടുപ്പിൽ ബിജെപി രണ്ടാംഘട്ട പട്ടിക ഇന്ന് പ്രഖ്യാപിക്കാൻ തെരഞ്ഞെടുപ്പ് സമിതി യോഗത്തിൽ ധാരണയായി. 50ഓളം പേർ അടങ്ങുന്ന സ്ഥാനാർഥികളുടെ പട്ടികയായിരിക്കും പ്രഖ്യാപിക്കുക. കുമ്മനം രാജശേഖരൻ മത്സരിക്കുമെന്നാണ് സൂചന.
അടൂരിൽ ആശാനാഥ് സ്ഥാനാർതിയായേക്കും. ആറന്മുള സീറ്റ് ബിഡിജെഎസിന് നൽകും. പ്രധാനമന്ത്രി നരേന്ദ്രമോദി, അമിത് ഷാ, ദേശീയ അധ്യക്ഷൻ നിതിൻ നവീൻ എന്നിവർ പങ്കെടുത്ത യോഗത്തിൽ സംസ്ഥാന അധ്യക്ഷൻ രാജീവ് ചന്ദ്രശേഖർ, സി സദാനന്ദൻ എംപി എന്നിവരും ഉണ്ടായിരുന്നു.
സംസ്ഥാന സമിതി നേരത്തെ സമർപ്പിച്ച പട്ടികയിലെ പേരുകൾ പരിശോധിച്ച ശേഷമായിരിക്കും പട്ടിക പുറത്തിറക്കുന്നത്. വരാനിരിക്കുന്ന തെരഞ്ഞെടുപ്പിൽ പാർട്ടിയുടെ സ്വാധീനം വർധിപ്പിക്കാനാവുന്ന ജനകീയ മുഖങ്ങളെ കണ്ടെത്താനാണ് മുൻഗണന നൽകുന്നത്.
