തൃശ്ശൂർ: ഫോക്ക് ഡാൻസ് മത്സരത്തിൽ തുടർച്ചയായ മൂന്നാം വർഷവും ഒന്നാം സ്ഥാനം കരസ്ഥമാക്കി ആദിശ്രീ. സമാനതകളില്ലാത്ത പ്രകടനത്തിലൂടെ മത്സരരംഗത്ത് തന്റേതായ മുദ്ര പതിപ്പിച്ചാണ് ആദിശ്രീ ഹാട്രിക് വിജയം സ്വന്തമാക്കിയത്.
തനിമയാർന്ന ചുവടുകളും മികച്ച ഭാവപ്രകടനങ്ങളും കൊണ്ട് വിധികർത്താക്കളുടെയും കാണികളുടെയും മനസ്സ് കീഴടക്കിയാണ് ഈ അപൂർവ്വ നേട്ടം. നൃത്തത്തോടുള്ള കഠിനാധ്വാനവും അർപ്പണബോധവുമാണ് ആദിശ്രീയെ വീണ്ടും വിജയപഥത്തിലെത്തിച്ചത്.
ഹാട്രിക് വിജയത്തോടെ തിളങ്ങിനിൽക്കുന്ന ആദിശ്രീക്ക് അധ്യാപകരും സുഹൃത്തുക്കളും നാട്ടുകാരും ചേർന്ന് അഭിനന്ദനങ്ങളും നൽകി. വരുംവർഷങ്ങളിലും നൃത്തവേദികളിൽ കൂടുതൽ വലിയ നേട്ടങ്ങൾ കൊയ്യാനാകട്ടെ എന്ന് ഏവരും ആശംസിച്ചു.
ഡിജിറ്റൽ പ്രസ് ക്ലബ് ഓഫ് ഇന്ത്യയുടെ കേരള സ്റ്റേറ്റ് വൈസ് പ്രസിഡന്റ് സാബുകുമാറിന്റെ മകളാണ് ആദിശ്രീ.
ആദിശ്രീക്കും, കുടുംബാംഗങ്ങൾക്കും , പ്രിൻസിപ്പലിനും, അദ്ധ്യാപകർക്കും DPCI യുടെ ആശംസകൾ.
