വെടിനിർത്തൽ ലംഘിച്ച് വീണ്ടും ഇസ്രായേൽ ക്രൂരത; ഗാസയിൽ ഡ്രോൺ ആക്രമണത്തിൽ രണ്ട് പലസ്തീനികൾ കൂടി കൊല്ലപ്പെട്ടു!
അന്താരാഷ്ട്ര ഡെസ്ക്:
ആഗോളതലത്തിൽ സമാധാന ചർച്ചകൾ ശക്തമാകുന്നതിനിടയിലും വെടിനിർത്തൽ കരാറുകൾ കാറ്റിൽപ്പറത്തി ഗാസയിൽ വീണ്ടും ഇസ്രായേലിന്റെ ചോരക്കളി. തെക്കൻ ഗാസയിലെ പ്രമുഖ നഗരമായ ഖാൻ യൂനിസിലാണ് ജനവാസ മേഖലകളെ ലക്ഷ്യമിട്ട് ഇസ്രായേൽ മാരകമായ ഡ്രോൺ ആക്രമണം നടത്തിയത്. ആക്രമണത്തിൽ രണ്ട് പലസ്തീൻ സ്വദേശികൾ ദാരുണമായി കൊല്ലപ്പെട്ടു.
തുടർച്ചയായ വെടിനിർത്തൽ ലംഘനങ്ങളാണ് ഇസ്രായേലിന്റെ ഭാഗത്തുനിന്നും കഴിഞ്ഞ കുറച്ചുദിവസങ്ങളായി ഉണ്ടാകുന്നത്. ഖാൻ യൂനിസിലെ സാധാരണക്കാരായ ജനങ്ങൾ അഭയം പ്രാപിച്ച ക്യാമ്പുകൾക്ക് സമീപമാണ് ഡ്രോണുകൾ അപ്രതീക്ഷിതമായി മിസൈൽ വർഷിച്ചത്. അന്താരാഷ്ട്ര യുദ്ധനിയമങ്ങളും മനുഷ്യാവകാശ കരാറുകളും ലംഘിച്ചുകൊണ്ടുള്ള ഈ തുടർച്ചയായ ആക്രമണങ്ങൾ പശ്ചിമേഷ്യൻ മേഖലയെ വീണ്ടും കടുത്ത യുദ്ധഭീതിയിലേക്ക് തള്ളിവിടുകയാണ്. ഈ ക്രൂരതയ്ക്കെതിരെ ലോകവ്യാപകമായി കനത്ത പ്രതിഷേധമാണ് ഉയരുന്നത്.
