തായ്ലൻഡിൽ വൻ ദുരന്തം: 11 വയസ്സുകാരൻ ഓടിച്ച ട്രക്ക് ഇടിച്ചുകയറി 9 സന്യാസിമാർ കൊല്ലപ്പെട്ടു
ബാങ്കോക്ക്: തായ്ലൻഡിൽ 11 വയസ്സുകാരൻ ഓടിച്ച പിക്കപ്പ് ട്രക്ക് റോഡരികിൽ നിന്നിരുന്ന ബുദ്ധസന്യാസിമാരുടെ കൂട്ടത്തിലേക്ക് ഇടിച്ചുകയറി ഒൻപത് പേർ കൊല്ലപ്പെട്ടു. തായ്ലൻഡിലെ മുക്ദാഹാനിൽ വ്യാഴാഴ്ച വൈകുന്നേരത്തോടെയാണ് ദാരുണമായ ഈ അപകടം സംഭവിച്ചത്.
അപകടത്തെ തുടർന്ന് ട്രക്ക് ഓടിച്ചിരുന്ന പതിനൊന്നുകാരനെ പോലീസ് കസ്റ്റഡിയിലെടുത്തു. പ്രായപൂർത്തിയാകാത്ത കുട്ടിയായതിനാൽ, സംസ്ഥാന ശിശുസംരക്ഷണ വകുപ്പ് ഉദ്യോഗസ്ഥരുടെ സാന്നിധ്യത്തിൽ മാത്രമേ കുട്ടിയെ കൂടുതൽ ചോദ്യം ചെയ്യുകയുള്ളൂ എന്ന് പ്രാദേശിക പോലീസ് അറിയിച്ചു.
റോഡരികിലൂടെ നടന്നുപോവുകയായിരുന്ന സന്യാസിമാരുടെ ഇടയിലേക്കാണ് നിയന്ത്രണം വിട്ട പിക്കപ്പ് ട്രക്ക് അതിവേഗത്തിൽ ഇടിച്ചുകയറിയത്. ഇടിയുടെ ആഘാതത്തിൽ ഒൻപത് സന്യാസിമാരും സംഭവസ്ഥലത്തുതന്നെ മരണപ്പെടുകയായിരുന്നു. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.
