തുലാവർഷത്തിലും മഴക്കുറവ്;

Zaid Ebrahim Anwari
1 Min Read

പാലക്കാട്ടെ രണ്ടാംവിള നെൽകൃഷി ആശങ്കയിൽ

പാലക്കാട്: കാലവർഷത്തിന് പിന്നാലെ തുലാവർഷത്തിലും പ്രതീക്ഷിച്ച മഴ ലഭിക്കാത്തത് പാലക്കാട് ജില്ലയിലെ കാർഷിക മേഖലയെ ആശങ്കയിലാക്കുന്നു. മഴയുടെ ലഭ്യത കുറഞ്ഞതോടെ ജലസേചനത്തിനും കുടിവെള്ള വിതരണത്തിനും ആവശ്യമായ ജലസംഭരണത്തെക്കുറിച്ചും ആശങ്ക ശക്തമായിട്ടുണ്ട്.

Ref.No:ZE-515-024-50

ഒക്ടോബർ ഒന്ന് മുതൽ നവംബർ 12 വരെയുള്ള കാലയളവിൽ പാലക്കാട് ജില്ലയിൽ ലഭിക്കേണ്ടിയിരുന്ന 311 മില്ലിമീറ്റർ മഴയ്ക്ക് പകരം 282.4 മില്ലിമീറ്റർ മഴ മാത്രമാണ് ലഭിച്ചത്. ഒമ്പത് ശതമാനത്തിന്റെ കുറവാണ് രേഖപ്പെടുത്തിയത്.

രണ്ടാംവിള നെൽകൃഷിക്ക് പ്രധാനമായും അണക്കെട്ടുകളിലെ വെള്ളത്തെയാണ് കർഷകർ ആശ്രയിക്കുന്നത്. എന്നാൽ മലമ്പുഴ, പോത്തുണ്ടി അണക്കെട്ടുകളിലെ ജലനിരപ്പ് കുറഞ്ഞ നിലയിലാണ്. കുടിവെള്ള ആവശ്യങ്ങൾക്കായി വെള്ളം കരുതിവെക്കേണ്ട സാഹചര്യത്തിൽ കൃഷിക്ക് ലഭിക്കുന്ന ജലത്തിന്റെ അളവ് പരിമിതപ്പെടുമെന്ന ആശങ്കയും ഉയരുന്നുണ്ട്.

മലമ്പുഴ അണക്കെട്ടിൽ നവംബർ 25ന് രണ്ടാംവിള ജലസേചനത്തിനായി വെള്ളം തുറന്നുവിടാനാണ് തീരുമാനം. നിലവിലെ ജലലഭ്യതയും വരുംദിവസങ്ങളിലെ മഴയുടെ സാഹചര്യവും കൃഷിയുടെ ഭാവിയെ നിർണയിക്കും.

മഴക്കുറവ് തുടർന്നാൽ രണ്ടാംവിള നെൽകൃഷിയെയും കുടിവെള്ള വിതരണത്തെയും ഒരുപോലെ ബാധിക്കുമെന്ന ആശങ്കയിലാണ് ജില്ലയിലെ കർഷകർ.

Share This Article
Leave a Comment

Leave a Reply

Your email address will not be published. Required fields are marked *

×